يا ريس المسرحيه خلصت ودورك خلاص اتحرق والستارة  نزلت والجمهور خلص تصفيق وزهق من التصفيق   على فكرة هوة مش بيسقف من الاعجاب  لا لا لا لا  هوة بيسقف من الزهق ومن الملل عايز بطل تانى للمسرحيه بس المرة دى انشاء الله هوة اللى حيختار البطل بنفسه وحيكتب القصه بنفسه عشان بجد كدة كفايه قوى كفايه ضحك على الجمهور  المشكله انك بتقول نكت بايخه وقديمه واى عيل صغير مستحيل يضحك عليها او يصدقها  بجد المسرحيه خلصت ودورك اتحرق على فكرة انت ممكن تعتزل بكرامه على الاقل الجمهور حيفتكرلك حاجه كويسه اى نعم انت طول المسرحيه ما بتتكلمش الا عن نفسك وعن دورك الرئيسى فى المسرحيه اللى بيشاركك فيها ممثلين  درجه تانيه مش زى حضرتك درجه اولى  بس عليهم عامل رئيسي لانهم هما اللى بيخططوا وينفذوا وعلى فكرة احنا خايفين لا تكون صورة بس مجرد صورة او كومبارس فى هيئه بطل والممثلين الدرجه التانيه هيه اللى بتحركك   يا خوفى يا ريس عشان المشكله حتكبر لاننا كدة حنعوز تغيير شامل يعنى من الاخر  كل الناس اللى شغالين فى المسرحيه لازم يمشوا لازم يمشوا وكفايه عليكم حق التذاكر اللى اخدتوها مننا غصبن عننا وهو ذكاة عن صحتنا وصحه اولادنا