ندوة حول مستقبل حركة كفاية

السلام عليكم و رحمة الله
اما بعد اعتقد يا دكتور ان الحقيقة اتضحت تماما بعد انتخابات الرئاسة, و هي ان الموضوع ببساطة و كما تفضلتم و فسرتم قول الرسول صلى الله عليه و سلم و هو ان غالبية الشعب المصري مفطورة على الإنقيادو الطاعة العمياء لولاة الأمر مهما كانت نوعيتهم بل و جنسيتهم او دينهم و اننا شعب لو حاولت ان اصوره مقارنة بالشعوب الأخرى فنحن شعب معاق , عنده عاهة مستديمة تمنعه و ستمنعه دائما من ان يكون شعب محترم كباقي شعوب العالم , شعوب العالم التي تطالب بالديموقراطية و الكرامة و العزة لمواطنيها داخل و خارج بلادهم, شعوب العالم التي تحاسب رؤسائتهم و تجبرهم على الإستقالة ليس لأنهم اثبتوا مثلا انه حرامي و لا مختلس و لكن لمجرد انهم تأكدوا من انه لك يلتزم بوعد ما او تصرف بشكل غير لائق مع المواطنين , يحضرني هنا مشهد صغير رايته اليوم في فيلم وثائقي امريكي عن جنرال جورج باتون احد اكبر القادة العسكريين الاميركيين في الحرب العالمية التانية, هذا المشهد هو انه التقى في احد جولاته الميدانية اثتاء المعارك بجندي من قواته اصيب بحالة من الذعر الهستيري فما كان منه إلا انه عنفه بشدة و صفعه على وجهه لكي يحثه على الخروج من هذه الحالة,فماذا حدث بعد ذلك؟ لقد تلقى الجنرال العظيم و قائد الجيش السابع الامريكي وقتها رسالة من ايزنهاور القائد العام يلومه فيها اشد اللوم على صفعه للجندي و يأمره بأن يجمع الجنود الذين شهدوا الواقعة و معهم اكبر قدر أخر من الجنود التابعين له و ان يعتذر لهذا الجندي امامهم ثم يعتذر لهم جميعا, هذه الواقعة حقيقية و انا لست من المفتونين بامريكا و لكني لا أنكر انني معجب جدا بالشعب الأمريكي و هو شعب يستحق الإحترام و يستحق ان يتمتع بالديموقرطية و الاحترام للانسان و بكل المزايا التي يتمتعون بها , هذا الشعب كمثال صارخ للشعوب المحترمة و التي لن نكون منها في يوم من الايام, نعم فنحن شعب غوغائي ذليل لو جندي تلقى صفعة على وجهه من شاويشه مش من قائد جيشه حيخاف يرد او يشتكي او يعبر عن رفضه للموقف بأي صورة , نحن شعب عديم الكرامة تلمه صفارة و تفرقه عصاية على راي مش عارف مين, عارف ليه انا قرفان كده من شعبنا اللي هوة شعبي اللي هوة انا منه يعني اللي هوة انا ؟ لأن هذا الشعب مش فالح غير في الشكوى و الإعتراض و البكاء و العويل من الأحوال و الفساد و الغلاء و البلاوي و من كل حاجة و فعلا مشاكلنا كتيرة اوي و من حق الناس انها تشتكي و من حقها انها تستغيث و انها تلعن ابو اللي كان السبب ..... و من حقها ايه تاني؟؟؟؟؟ بس خلاص هوة ده اخرنا الولولة و الوحوحة (زي النسوان لآمؤاخذة) طيب و بعدين هاه حنكمل؟ لآلآلآلآلآلآلآلآلآلآلآلآلآلآلآلآلآلآلآلآلآلالا نكمل مين يابا ما خلاص خلصنا........ خلصنا ايه؟؟؟؟؟؟؟؟؟ خلصنا اللي كان في نفسنا و عملناه خلاص......... الي هوة ايه؟؟؟؟؟؟؟؟؟؟؟؟؟؟ الفضفضة ... طيب و التغيير و الاصلاح و التصحيح و البتنجان و النيلة اللي انتو فلقتونا شكوى منهم؟؟؟؟؟؟ يا عم قول ياباسط اهي ماشية , انا عنتدي عيال عاوز اربيهم, انا عندي مشوار رايح الحق السمك حيخلص من السوق , انا رايح اصلح حلق بنتي , انا رايح أخد دش اصلي ريحتي وحشة.... طب و بعدين و لا قبلين حنفضل كدة و لو بعد الف سنة مافيش حاجة حاتتغير الاسماء و الوشوش بس اللي ممكن تتغير لكن الحال هوة هوة. ليه الياس لأن الحقيقة بانت يوم 7 9 2005 لما هذا الشعب اختار حسني مبارك بنسبة 80 في المية!!!!!!!!!!!!!! حقيقة انه شعب هجاس كلامنجي اونطجي و جبان و مهياص و مهررررررررررررررررررررررررررج اي نعم شعب مهرج و بيستعبط علشان يعمل ايى غاغة يهيص فيها و يضيع كام شهر في اللت و العجن و نقاش القهاوي و النوادي و الخمارات و ال وال و بعدين ساعة الجد كله جاب مارشدير بلغة سواقيين التاكسي و لا مؤاخذة. طب ليه الصداع و اهو الراجل بصراحة عداه العيب و بقولها بجد عداه العيب و قزح و الله العظيم عداه العيب اهو عمل انتخبات و ساب اللي عاوز ينافسه ينافسه و الحكومة بشبشتهم لك واحد بنص ارنب لزوم الدعاية الانتخابية (الدعاية بالياء مش بالراء) و القضاة عملوات هيصة و حنشرف و حنراقب ماشي يا قضاة و خلاهم يشرفوا و يراقبوا و الجمعيات الاهلية لحقوق الانسان هيصت احنا كمان عاوزين نشرف و نراقب . و انتو كمان تعالوا راقبوا و لا تزعلوا نفسكم لحسن الزعل وحش و بيتعب الصحةو و سابنا نعمل كل اللي نفسنا فيه و هوة مطمئن تماما للنتيجة( بصراحة معلم و انا بتكلم جد انا احترمت الراجل ده جدا بعد الانتخابات دي و حاقول ليه بعدين) و جت النتخبات و نجح حسني مبارك و بما يقرب من 80 في المية من الاصوات...... مش يبقى ده هوة التهريج بعينه مش دي هية المسخرة على اصولها؟ يبقى كلللللللللللللللللللنا كنا غلطانين و حسني مبارك و الحكومة و كل من والاه هما الصح . ايوة هما الصح لان العبرة بالنتائج و هما عارفين شعبنا كويس اوي و بتعاملوا معاه بالاسلوب الوحيد اللي ينفع معاه والله ما باتريق و لا بهلفط هما فاهمين اللعبة صح و صح اوي و لو كان شعب تاني كان ممكن يكونوا غلط و يسقطوا في الانتخباتا و لو حنى من باب التغيير
و لكن معانا احنا هما الصح و احنا اتضح اننا مش فاهمين حاجة من اولنا لأخرنا و انا عن نفسي خلاص عرفت غلطتي و لكن مازلت في حالة إعادة الحسابات في ما هو أت. و بفكر بجدية شديدة اني احاول انضم للحزب الوطني لأنه فعلا الحزب اللي بيخلص الحزب المعلم الحزب اللي فاهم شغله اللي بيعرف هوة عاوز ايه و بيوصله. انا تعبت من الكتابة و ارجو المعذرة ان كان صدر مني اي تجاوز و ربنا يسامحنا كلنا